عدد المساهمات : 151 نقاط : 412 تاريخ التسجيل : 17/08/2012
موضوع: فوائد المر الثلاثاء ديسمبر 10, 2013 2:12 am
السلام عليكم يا بنات
المثل يقول ما تموت الحرة وفي بيتها مرة
تعرفنا انا والمرة على بعض من سنتين تقريبا
ونعم التعارف
صج صج واااااااااااااااااااااااااااااايد استفدت وحبيت انقل لكم الفايدة بما ان فيني وايد اشياء مسكربةاول شي تجربتي مع المرة والبواسير:
الله يجزاها الف خير اللي علمتني على هالطريقة
انا قبل فترة صار معاي شرخ وبواسير واااااااااااااااااااااااايد تاذيت وبغيت اموت قالوا لي تنقعي بالمرة وما شفت ذيك النتيجة لمن وحدة قالت لي سوي معجون مرة واللي اهوا عبارة انج تجيبين مرة وايد وتحطينهم في قلاص وتحطين عليهم شوية ماي ثاني يوم راح تشوفين المرة صارت مثل معجون
تاخذين بطل ماي صحة وتنقعين فيه كسرتين او 3 مرة وتشربين منه فنجان قهوة على الريج وقبل النوم...وبعد شهر سلمي لي على الكرشة
المرة والبشرة:
تسوين معجون المرة اللي كتبته فوق تاخذين منه ملعقة صغيرة وملعقة صغيرة هردة وملعقة صغيرة زبدة الفول السوداني وتسوينهم ماسك وتحطينه على ويهج لمدة نص ساعة 3 مرات بالاسبوع والله ان بشرتج تصير صااااااااااااااااااااافية وحيل حيل نضرة ومشدودة المرة والجروح: بما ان ولادتي قيصرية فكانت امي حبيبتي على طول تحط لي معجون مرة على الجرح قمت احس ان الجرح بسرعة يبرى ويطيب
هذي تجاربي مع المرة
وياليت كل وحدة تحط لنا تجاربها مع المرة علشان نستفيد
ولكم احلى تحية
منقول
Admin Admin
عدد المساهمات : 151 نقاط : 412 تاريخ التسجيل : 17/08/2012
موضوع: رد: فوائد المر الثلاثاء ديسمبر 10, 2013 2:23 am
ياحلو لو حطيت المرة مع المحلب "وبعض الناس يطحنون حبة سواء- حبة البركة " ويخلطوا المرة والمحلب والحبة مع بعض ويحطوها في الوجه والله جدا رائعة وما تتخيلوا كيف لها تأثير في حب الشباب وتصفية الوجه ************************************************ وكمان أيام الدورة حاولي تشربين مرة ومحلب وعنزروت والله ماتتخيلوا كيف يخفف التعب والوجع وانا احط كميات بسيطه بعدين احطها بكوب فيه مويه واخذ شوي من فترة لفتره باليوم مع القهوة وكل ماخلص الموية زيده وحطيه على حسب قدرتك بالشرب- والمحلب في الأيام الأولى قلليه والأخيرة كثرية"ملاحظه "مو تكثرينه ويصير عليك حاجه ونفقدك يالغالية"مزحه عالطاير المهم ولاتشوفوا شر ان شااااااااااااااء الله
بالنسبه لتجاربي مع المره
مو من كثر ما استخدمها بس بقولكم المرات اللي استخدمتها فيهم
طبعا ولادتي صارت قيصريه وكنت اخذ المره واشربها واحطها على الجرح واشمها عشان عن ريح الحريم وعطوراتهم
وبالنسبه للشي الثاني والمهم اللي فعلا كان للمره فايده كبيره فيه
الا وهو تجربة المره مع بنتي
بنتي صدرها اعوذ بالله من ادنى هواء والا برد تنك وضاق نفسها وتعالي سمعي الكحه طوووول الليل تعور القلب
مره وديتها الطبيب وعطاني ادويه كالعاده ,, يومين ولا في فايده اسمع البلغم في صدرها عزكم الله
رحت نقعت لها مره وشربتها بالابره والله يابنات ما مداها شربتها الا وردت كل اللي في بطنها عزكم الله
طلع كل البلغم اللي في صدرها والله مجربه هالطريقه ومضمونه بإذن الله وانا اخذتها من وحده جزاها الله خير
وفعلا المره مضاد حيوي فوايدها كبيره وكله بإذن الله وقدرته
مشكووره بعد عمري على الموضوع المهم وان شاء الله بجرب المره حق بشرتي
Admin Admin
عدد المساهمات : 151 نقاط : 412 تاريخ التسجيل : 17/08/2012
موضوع: رد: فوائد المر الثلاثاء ديسمبر 10, 2013 2:36 am
الحمد لله اولا والمرة تسوى العجاايب
يوم ولدت بنتى من زماااااااان طلعت بفخذى من تحت دملة واللة قمت احبى ولا اقدر امشى وعجز الطب بعلاجهاا لين حددولى عملية وتعرفوون العملية تشوة المكاان
المهم الله يرحم جارتنا ويسكنها الجنة قالت نقعى مرة بفنجان ودهنى مكان الدمل ولفية بشاش واللة يابنات كانت حيل كبيرة الله لا يعود ذيك الايام
واليوم الثانى بموعد العملية قبل لا اروح فكيت الشاش والحمد للة انفتح الجرح وطلع الصديد ولا كن فينى شى وكل هذا بفضل الله ثم جارتنا وحبيبتنا المـــــــــــــــــــــــرة
وتقبلوا مرورى
تجاربي مع المره المره صديقتي الدائمه في الدوره والنفااااس ماستغني عنها أبد وتكون متواجده علطول بلبيت لمل احتاجها بالدوره اشربها مع منقوع العنزروت والمحلب عشاااااااااان الأمساااااااك بدوره كرمكم الله وبعد تستخدم مع تحاميل خاصه تسوينها مع ملح فارس وعسل طبيعي ومحلب وكمعقمه للجروح ومن ناحيه تجميل للبشره قناع او ماسك للوجه مع الهرده ممتازه جدا" سبحان الله يعتبر المضاد الحيوي الطبيعي ومايضر
وسلامتكم
بنات انا قبل اسبوع بديت بالمرة على بشرتي ويوميا احطها والله خفت الحبوب الحمدلله وبشرتي صارت صافية تقريبا وتعطي لمعه بعد.. وانا استخدمتها ببسااااطة يعني نقعت المرة بالماي وكل يوم احط منه ومرات آخذ اللي (محثرب) على قولتهم واحطه على مكان الحبوب.. والحمدلله.
المره عجيبه جربتها بشغلات وايده حق البشره اذا طلعت لي حبه احط لي شويه من منقوع المره حق الولاده القيصيريه كنت اشرب منها شويه وامسح على الجرح حق الولاده الطبيبعيه كنت احط مره على الفوطه النسائيه والبسها علشان يطيب الجرح بسرعه حق عوار الضرس كان عندي التهاب كنت اتمضمض بمره ماشاءالله حق اليهال اول ماتبي تطلع ضروسهم واللثه وارمه امسح على لثتهم وافركها شويه بمنقوع المره شي عجيب مخدر اينن لليهال
Admin Admin
عدد المساهمات : 151 نقاط : 412 تاريخ التسجيل : 17/08/2012
موضوع: رد: فوائد المر الثلاثاء ديسمبر 10, 2013 2:42 am
انا امي تستخدمها بعد ما تنقعها وتشرب منها اليهال اذا كانو مرضى لانها مضاد حيوي عجيب والي عيالها ماعندهم مناعه تنقع منها وتشرب منهم اليهال وانشالله بيصيرون تمام
وانا بنتي صار فيها ( عكنكز ) جـدري ماي ... فرحت حق الطبيب
وعطاني لها دواء مضاد لتحسس الابيض وزيرتك وادول اذا سخنت
وبعدها شفتها تزهق من الدواء الابيض فقالت لي اختي جيبي مره وجربيها صدقيني يخف بسرعه
اهي امجربته مع اعيالها
وبعدها كانت النتيجه يوم شريتها ونقعتها ياسبحان الله ما تتصورون النتيج قطيت الادوية واستمريت على المره
عجيبه كلمه اشويه
الوالدة كانت اتيها حالة من كثر الكحة يطلع دم من صدرها والله بروجها تذكرت المرة
وحطت فطعتين بالماى مع علش لبان ( علش المر ) والله ثانى يوم خف عليها
بس تمت جم يوم تشرب من المنقوع
وا شاء الله عجيبة المرة واهى مضاد حيوى
وانا بعد جارتي بعد عمري الله يطول بعمرها يارب قالتلي نقعي المره ببطل وشربيها كل يوم طبعا بعد ماولدت قيصري
والله جد تهببببببببببببل حسيت ان كرشتي دشت من المره
والحين برد أستعملها
واستخدمتها بعد حق البواسير تييينننننننننننننننننننن
وبجربها حق البشره اذا أراد الله
Admin Admin
عدد المساهمات : 151 نقاط : 412 تاريخ التسجيل : 17/08/2012
موضوع: رد: فوائد المر الثلاثاء ديسمبر 10, 2013 3:05 am
تجاربي انا مع المرة فيها نوع ما من تجاربج
انا ولدت قيصيري وكنت اسوي نفسج
المره وحساسية الانف
انا من النوع الي اتيني حساسيه الصبح واقوم اعاطس اعاطس قمت احط مره مثل الغسول حاطتها في بطل وكل شوي اغسل خشمي والحمدالله بسرعه راحت
المره والبلاعيم
ياي ياي على المره تخيلوا قعدت بلاعيمي تعورني على طول سويت لي غرغره بالمره وكانت النتيجه مذهله اختفت البلاعيم وعوارها
المره والسهال
كنت مسافره سوريا وعروف جووو سوريا يسوي سهال ما ادري ليش بس انا اول ما وصلت شميت مره عشان لا تاثر فيني وشممت ولدي الصغيرون عشان لا يتاثر بالجووو اليديد وياي ياي ما اكوو سهال وعلى فكره صار فيني مع احترامي لكم وتحيلوا انا وزوجي كنا نعاني نفس المشكله شربنا مره واختفى السهال وعوار البطن
وهذي تجاربي مع المره
حبيباتي كلامك كله عدل وصحيح والمره مو من اليوم من اجداد اجدادنا واهم يستخدمونها
المهم الحين انا قريت من كذي طبيب اعشاب ومختصين بالطب البديل انه لازم نستخدم المره الفاتحه اللي لونها اصفر ونبتعد عن القامجة لانها ما تفيد بل تضر
الشكوي الحين اني كل ما رحت لعطار طلعلي جيس كل اللي فيه قامجيين واذا قلتله لا ابي فاتحه قالي هذا الموجود وهذا لونها ويسوي نفسه فاهم ويضحك علي عاد تهاوشت مع واحد عقب ما افتريت علي اربع والله ..واتطيح براس الاخير هم قط علي وحده جان اقوله اشدعوه انت كلش الحين فاهم بالطب البديل كلك عطار همك تبيع وبس يسوون روحهم بو الفهامية
والله قهرني
المره وايد زينه انا اعينها مع ماي الورد واحطها على الوجه لمدة ربع ساعه اشد البشره وتنقيها
ان شاء الله باجرب انقعها في بطل واشرب منها صبح ومسا للكرش اما عن تجربتي مع المرة انا جت لى فترة وجهي كلة حبوب كبار ولها راس جنها دمامل وانا كان نوع بشرتي صافي اذا طلع حبوب صغار وتروح بس وايد تضايقت بس قالت لي عمتي جيبي مرة مجروشة (يعني مو مطحونة وايد ) وحطي عليها ماي و طبخيها شوي علي الغاز وهي دافية حطيها مثل القناع لمدة 1\2 ساعة لفترة وتروح
Admin Admin
عدد المساهمات : 151 نقاط : 412 تاريخ التسجيل : 17/08/2012
موضوع: رد: فوائد المر الثلاثاء ديسمبر 10, 2013 3:32 am
بنات ترى ماينفع تنشرب المره شهر كامل ترى هي مثل المضاد الحيوي كثرتها تضر
انتبهوووووووووووووووووووووووو
من تجاربي مع المره مفيده لازالة التهاب الحلق وهو انك تنقعينها مع ماء وملح وتتغرغرين فيها 3 مرات باليوم
السلام عليكم حبيت انقل لكم تجربتي مع المره بصراحة روعة....للبشرة تنقع قطعة مره بماء ساخن ثم يضاف قليل من العسل وماء الورد يخلط ويوضع على البشره لمدة 10 دقائق ويزال بغسل الوجه النتيجة فظيعه مع الاستخدام المتكرر تقريبا مرتين بالاسبوع
ودعواتكم لي حبايبي
بالنـســبــة لــــطـريــــقة تجهيز الـــــــمـــره للاستعمال : اولا: تأخذين كمية بسيطه من المره فلا تستخدمينها كلها يعني يكفيكي مقدار ملعقه كبيره مره (خـــام) ثانيا : تغسلين المره بالماء عن الاتربه ثم توضع في برطمان ويصب عليه ماء دافئ وتحفظ بالثلاجه لحين الاستخدام واحب ان أنبه ان لاتحتفظي بالمره في الثلاجه أكثر من اربع اسابيع كحد أقصى .
بالنسبة لطريقة أستعمال المره في علاج الالتهابات التنفسيه : يرج برطمان المره ثم أخذ يؤخذ منه مقدار فنجان القهوة ويضاف اليه قليل من الملح الناعم ويستخدم كغرغره لعلاج اللوز وألتهاب الحلق والانلفونزا على ان تكرر هذة العمليه 4_5 مرات باليوم
أما بالنسبه لطريقة أستعمال المره في علاج الالتهابات الهضميه : في حال حدوث مغص دورة الشهرية أو أسهال لاقدر الله أو سوء هضم نتيجة تخمه او حدوث أنتفاخات نتيجة احتباس الغازات بالبطن فيؤخذ قليل من الـــمره مقدار ملعقة أكل أو نصف فنجان قهوة من المره وتشرب سواء بعد الطعام او قبله ولكن لاتشربيها ومعدتكي وهي خاويه وهذه قاعده في جميع أستخدامات الادويه .
أما بالنسبه لطريقة أستعمال المره في علاج الالتهابات التناسليــه : يؤخذ مقدار فنجال شاي مرة منقوعه ويضاف اليها خمسة اضعافها ماء ( المهم أن تخفف المره بالماء الدافئ) ففي حال حدوث التهابات مهبليه للمرأة المتزوجة فيجب ان تستخدم الــــمره كدش مهبلي حتى تحصل على النتيجه المضمونه أما الفتاة التي لم تتزوج فتستخدم غسول المره كشطوف خارجي .
كذلك تستخدم النساء النفساء المره كشطوف خارجي فقط وكذلك يمكنها وضع ماء دافئ مخفف بالمره مع قليل من الملح وتجلس فيه المراة حتى يطهر المنطقه ويسرع في ألتائام جروح الخياطه مكان الولاده .
كذلك يشربن النفساء يوميا المره بمقدار ملعقه كبيره كعوض عن المضاد الحيوي ويسرع في التائم جروحها بعد الولادة ولكن يستخدم في فترة النفاس لمدة عشرين يوم كحد أقصى .
أما بالنسبه لطريقة أستعمال المره في علاج الالتهابات البشرة :فالمره تعالج البثور وحب الشباب وذلك بأن تأخي قليل من المره المنقوعه بدون ان تخفيفيها وتحضري قطنه طبيه ثم تغمسي القطنه في محلول المره وتمسحي بها على كامل الوجه ماعدا منطقة العينين لان بشرة العينين جدا حساسه وتجعليها على بشرتكي مالايقل عن ساعه يوميا وسوف تعطيكي النتيجه المبهره بأذن الله
كذلك منقوع المره يعالج الدمامل والخراجات وجميع انواع الجروح .
كذلك الـمره المخففه بالماء تستخدم لعلاج قشرة الرأس وذلك بعد غسل الشعر بالشامبو ثم شطفه بالماء بعدها تشطف بالمره المخففه بالماء كمرحله أخيره لكن لاتستخدمين الا مره كل اسبوعين اوكل ثلاث اسابيع .
عدد المساهمات : 151 نقاط : 412 تاريخ التسجيل : 17/08/2012
موضوع: رد: فوائد المر الثلاثاء ديسمبر 10, 2013 3:43 am
حبيبتي انا راح اشرح لج الطريقة بالتفصيل الممل: -تاخذين كيس مرة من العطار -تغلسنهم وتحطينهم في علبة نظيفة -تحطين عليهم مقدار قليل من الماء بحيث ان المرة تتغطي بالماي بس مو تنغمر يعني كمية قليلة -تغطين العلبة وتخلينها تتنقع لمدة يوم كامل -ثاني يوم راح تشوفين ان محلول المرة صارت عندج مثل ماي مرة ثقيل -تاخذين قطارة دواء مالت الاطفال بس القطارة ولازم تكون نظيفة ويفضل قطارة غير مستعملة -كل يوم بالليل قبل النوم تحقنين نفسج من محلول المرة يعني تاخذين بالقطارة وتحقنين نفسج من داخل -وبعدين تمسحين المنظقة بزيت القرع(انا ماخذته من حواي جمعية العدان اللي بالقرين)
وباذن الله ماراح يمر اسبوع والا تشوفين نفسج متشافية من البواسير
ملاحظة مهمة: ضروري تجنب الامساك قدر الامكان خلال فترة العلاج
مشكورين ع المعلومات وانا دوم اسمع بالمره انها زينه
وقبل فتره نقعت ببطل ماي صحه صغير ((مره + محلب شوي + مقل شوي))
وكنت اشرب كل يوم فنجان منهم
صج يابنات كنت احس اني مرتاحه وماكو هوى نهائي بالبطن ويقولون انها تخفي الكرش بالاستمرار
بس بايام الدوره وقفيها لان المحلب يوقف الدم
ا تجربتي مع المره احنا نسوان البحرين اذا ولدت الوحده ناخذ معمول مره مع ملح ونخليه تحميله للرحم وياسلام تجفف الرحم وتطلع الاوساخ المتبقيه وترد الوالده بنت
بالنسبه لتجاربتي للمرةوقت نفاسي كنت اتنقع فيها اول مااصحى من النوم وقبل ماانام وكل ماغيرت الفوطه تكرمون كنت منقعه مرة في علبة بخاخ وارش على الفوطه والحمدالله اسبوعين وطاح الخياط
عدد المساهمات : 151 نقاط : 412 تاريخ التسجيل : 17/08/2012
موضوع: رد: فوائد المر الثلاثاء ديسمبر 10, 2013 4:04 am
اما انا الصراحه اسويه لعيالي اذا بغو يسننون يطلعلهم اسنان
مره + محلب + شوية عنزروت تطحنينهم مع بعض وتفركين فيها اللثه حيييييييييييل تريح الجاهل وعشان مايستشم من العطورات والبخور لان اذا سنن واستشم راح تجيه صده من الاكل
انا بخرت فيها البيت امس وعقب بخرت بمعمول والله الريحه صارت تينن شي ثاني انا صارلي يمكن 3 ايام تقريبا اشربها بس مشت بطني وريحتني من الغازات
استخدمة باآلم آسناني كنت اشربة واعمل غرغرة فية عالجهة اللي فيها الاآلم مع حبة بركة وملح وعويدي (( المسمار)) والحمد لله كان روعة
وكمان استخدمتة لمن خلعت سني والله ولله الحمد ماحسيت بالآلم كلششششش
الدكتورة قالت لمن يروح البنج راح تحسين بتعب
انا من رديت البيت شربت منة وخليت بفمي منة على جهه السن المخلوع وربي ماحسيت بالم بعد ماراح البنج ابداااااااااااااااااااا
واستمريت يومين اشربة بس كنت اتركة خلال هاليومين اغب الوقت منقوع بالمرة
استخدمتة بعد لمن شلت و يهي بالشيرة واااي طلع لى بلاوي وحبوب بويهي
وسويتة كقناع والحمد لله راح بدون آثرررر
ان شاء الله اكون افدتكم بتجاربي معاه
عن تجربتي مع المره ايام الدوره والغازات بالفعل ريحيني ولما ولدت جرحي كان مو طبيعي وامي قالت اخذي مره كل يوم والحمدلله جرحي تمام وبالنسبه لتخفيف الوزن والكرشه انا لاحظت من اخذتها وانا بالنفاس ... وزني نزل ,, وكرشتي خفت
بالفعل المرة مفعولها عجيب.
انا صار لي اسبوع تقريبا استخدم المرة بالطريقة التالية :
يبت بطل الماي و عقيت فيه مرة ..و خليته بالحمام على المغسلة .. و كل ما اغسل و يهي .. احط بجفي قليل من الصابون السائل و احط عليه شويه من الماي اللي بالمرة ..
و الحمدلله احس بتحس .. طبعا النتائج بشكل كبير راح تبان مع الاستمرار
المره عجيبه حق البشره والله ان بنت خالي كانت تستخدمها حق بشرتها والكل كان يسألها انت شنو مسويه بوجهج..غير جذي المره تشد الجسم حيل يعني الحرمه النفاس ولا الي تسوي رجيم تسنخدمها لجسمها وتشوف شلون تشد االجسم بس يبيلها كميات كبيره يعني تنقعها بجركل وتحط كمميه من هالمنقوع بفوطه وتمسح فيها جسمها
Admin Admin
عدد المساهمات : 151 نقاط : 412 تاريخ التسجيل : 17/08/2012
موضوع: رد: فوائد المر الثلاثاء ديسمبر 10, 2013 4:17 am
انا الصراحه مجربتها وصادقه الاخت اللي قالت انا اجربها بدل المضاد اذا صار فيني احتقان واجربها لعيالي لما تصير فيهم كحه بس للاطفال تكون مخففه اوكي اما اذا لنا احنا لا عادي لا ثقيله ولا خفيفه اوكي اي وبعد حق الاكزيما للاطفال تمام الحساسيه علي الخدود الاطفال اللي بالاشهر تحطين مره وتدهنين فازلين عن تجربت صديقاتي والله بعد اشياء واجد له المره اي وبعد اذا فيك جرح تشمينها وفوايدها كثير حللوها الاطباء اطلعت مضاد حيوي تصدقون الله علي مااقوله شهيد
حباببي بنقل لكم بعض تجاربي مع المره الله يخلي لي امي اذا تنفست تطبخ مره مع ملح فارسي مع خوا جوا مع مقله وقشر رمان وتشخل الماي واحطه في الحمام ويصير غسول والله يابنات مااطلع من الاربعين الا بنت بس عيبه انه يسود المنطقة شوي بس يشد ويضيق ويشيل الرطوبه وقت الدوره اول 3ايام او النفاس اول عشرين يوم تطحن لنا مره مع رشاد مع حبه سوده مع حلبه حبة حلوه وتعجنها مع عسل وناكلها على الريق مع قلاص ماي دافي ينزل منج شيء مو طبيعي هذا اللي ماتهتم بنفسها المره عندي بالبيت شيء اساسي حتى عيالي اذا تعب احد منهم بس مره لدرجة صارة شيء اساسي قبل النوم عندهم حتى حق العمليات والولاده بطل المره لازم يكون في الحمام ارشه على مكان الجرح ادري طولت عليكم بس اعذروني ابيكم تستفيدون